Estamos moi ledos por dar a coñecer no só actividades que se levaron a cabo, senon iniciativas nas que aínda podamos participar, desfrutar e aprender. Como é o caso do proxecto que nos propón a Afa do Ceip O Cantel: ONDE XURDE A CORRESPONSABILIDADE?

A Anpa da Anexa foi a encargada de inaugurar as actividades deste curso coa charla do Bo Trato.

Noelia Darriba foi a encargada de levar a cabo a charla, así como de presentar a guia do Bo Trato,editada por Anpas Galegas. Nesta guía queda constancia da importancia da comunicación, tanto a mensaxe coma o xeito de facelo.

Ademais do seu relevante contido, a Anpa do Ceip Anexa resaltou o amena e agrable que foi a charla .

Co proxecto da Granxa Escola da Deputación, esta vez son os nenos e nenas do centro Xosé Luis Taboada os que desfrutaron dunha saida para coñecer de cerca a empresa galega Caurelor, adicada á manufactura de productos naturais e como producto estrela, a castaña.

Nese día , a rapazada poido ver os productos que comercializa e a súa elaboración, así coma a motivación de emprendemento con productos nosos.

O pasado 27 de outubro a Afa O Cantel organizou unha actividade adicada ás familias ó completo. Trátase dun obradoiro no que nenos e adultos trataron o tema da igualdade a través do baile tradicional galego.Anha actividade totalmente aberta e  gratuita.

Desta volta o CEIP O Salvador da Pastoriza voltounos a deixar moi bo sabor de boca coas súas actividades.

O 19 de outubro fixeron, a través do programa da Granxa Escola da Deputación, unha excursión a Chantada para poder ver o proceso productivo dunha das lambetadas máis característica da nosa comunidade: as Galletas Mariñeiras.

Como podemos ver nas fotos que nos compartiron, os nenos e nenas , non só poideron ver, senon tamén degustar as famosas galletas. Os afortunados foron os cursos de 1º, 2º, 3º e 4º de Primaria.

O pasado 13 de outubro tivo lugar no Ceip O Salvador da Pastoriza unha xornada de formación sobre as NEE, solicitadas polo interese das familias polo tema.

Nun primeiro momento a pretensión é coñecer os transtornos da aprendizaxe e do neurodesarrollo e os signos de alerta de cada unha delas. Explicaron, a logopeda e a psicóloga encargadas da charla, en que consisten os trastornos específicos de aprendizaxemáis frecuentes: problemas de comprensión, lectura, escritura, matemáticas, etc e ostrastornos do neurodesarrollo: Trastornos do espectro autista, Trastornos da Linguaxe e TDAH.

A FAPACEL vimos de presentar un escrito ás diferentes administracións competentes instandoas a mediar na resolución da folga das traballadoras da empresa que se encarga da limpeza nos colexios públicos da cidade de Lugo.

O vindeiro día 30 de outubro terá lugar no CEIP A Anexa a charla sobre o Bo Trato.

Nesta actividade falarase da importancia de coidar de nós mesmos; xa que é o inicio de cómo debemos de tratar ós demais. Especialmente ós nenos e nenas xa que serán os homes e mulleres de mañá.

O coidado exquisito de cada unha das persoas que nos rodean é unha obriga para todos nós, así coma un dereito absoluto que todos e todas merecemos.

Para este venres, 13 de outubro vai ter lugar no CEIP O Salvador, na Pastoriza, unha charla acerca dos Signos de Alerta nas Necesidades de Educación Especiais.

A actividade estará a cargo do Centro Multidisciplinar Neuritas de Lugo e está aberta a todos os que queiran asistir, confirmandoo no teléfono de contacto que aparece no cartaz.

Esperamos que a xornada sexa un éxito!

E informaremos, a posteriori,cómo resultou a experiencia...