Dende a Fapacel vimos de asinar un convenio de colaboración coa Fundación Clínica Dental Solidaria de Lugo do Colexio Oficial de Odontólogos e Estomatólogos de Lugo para desenvolver o proxecto de fomento da saúde bucal en poboación preadolescente “Saúde Bucal 4.0. Un novo xeito de coidar a nosa saúde oral dende a Bioloxía e a microbiota".

Dende a directiva da Fapacel querémosvos desexar unhas boas e felices festas

Esta semana comunicáronnos dende o noso CPI [de Cervantes] que unha das profesoras de primaria vaise para outro destino. Non sen razón, alporizámonos outra vez, por qué digo outra vez? Porque xa nos vimos nesta situación, en varias ocasións. Vivimos co medo no corpo, porque non temos o número de nenas e nenos suficientes para contar con todos os profesores especialistas que precisamos; fai tempo que non o temos.

Este sábado 26 de marzo  a FAPACEL celebrou a súa asemblea anual, onde, ademais de deixar constancia de tódalas actividades feitas no 2021, e expoñer aquelas actividades que estan preparadas para o 2022, tamén se falou dos diversos problemas que atinxen ó ensino tanto nas cidades como no rural. Seguimos a traballar por un ensino público, laico, inclusivo e galego.

O sábado 19 de marzo estivemos na casa Quindós – Vilela,  en Navia de Suarna, falando do rural galego no rural galego; recibidas, hospedadas, e acompañadas polas compañeiras das ANPA DA MONTAÑA de Lugo, verdadeiras protagonistas  da normalidade da vida rural, mulleres bravas e loitadoras, das que permiten manter unha pequena esperanza sobre a vida futura nestes lugares, tan abandonados da man da administración como, desgraciadamente, da propia evolución cultural do noso País, cada día máis contaminado e menos aproveitado por nós mesmas.

Novamente, non fóra ser que algo cambiara, temos que posicionarnos na defensa do Ensino Público Galego, e temos que facelo –coma en tempos que xa deberan ter pasado- denunciando que non hai maior inimigo que a propia Consellaría de educación da Xunta de Galicia, que retirou de vez a pel de año que a cubriu escasamente durante o pasado curso e deixou á vista que son e para que están: só queren desmantelar o ensino público galego e afondar na súa destrución permanente.

Prezado Reitor,

Dende a Confederación ANPAS GALEGAS tentamos sempre manter un fondo silencio no que atinxe ás reivindicacións do alumnado universitario, porque entendemos que as nosas fillas e fillos teñen xa idade para ser protagonistas das súas propias demandas, e tamén que existen organizacións estudantís que deberan canalizalas axeitadamente.

Aquí vos deixamos o escrito enviado a Dirección Xeral así como a súa resposta con respecto a o cumprimento da normativa no que se refire ao procedemento do cambio de xornada, e a inmediata recuperación das xornadas ordinarias aprobadas en todos os centros educativos galegos, nomeadamente daqueles que a viran modificada polas circunstancias da pandemia

Dende a Confederación ANPAS GALEGAS estamos preocupadas, cando non escandalizadas, polo que está acontecendo en varios centros escolares segundo a información aportada polas nosas ANPAS: estanse ofertando e utilizando plataformas e aplicacións dixitais educativas polas que as familias teñen que realizar un pagamento.
Xa non é simplemente lembrar que o ensino público é gratuíto por mandato constitucional,
nin que ningún centro escolar pode reclamar máis ingresos dos que establece o Decreto
201/2003. É que estamos a falar de ferramentas que non teñen cabida nos centros de